(Likisa post) Sexta-Feira,08/11/2024,Likisa=Wateraid faselita formasaun ba komunidade suku tolu Dato, Hatuquesi no Loidahar,kona-ba koservasaun be’e mos,formasaun ne’ hala’o iha cede Suku Dato Postu Likisa Munisipio Likisa.
WAteraid servisu hamutuk ho Autoridade Munisipiu Likisa, SMASA, Ambiente,parte Dezastre no Floresta servisu hamutuk hodi haforsa servisu implementasaun programa ne’ebe hahu ona husi marsu tinan 2024 no sei remata fali iha marsu tinan 2025.
Tuir Gestor programa wateraid Munisipiu Likisa,Tome Guteres hateten atividade ne’ebe halo iha suku dato hanesan kontinuasaun sorumutu iha nivel munisipiu ne’ebe fó introdusaun programa atu gainha no fó koñesementu ba Governu Munisipiu atu bele haforsa kolaborasaun servisu husi setor save hotu ne’ebe mak iha.
“Atividade ida ohin hanesan kontinuasaun sorumutu ne’ebe ami halo iha nivel munisipiu hanesan ita hatene horseik ami hahu ho prosesu introdusaun ba projetu iha nivel munisipiu,para atu bele gainha no fo konesementu ba Governu munisipiu, atu bele hametin koperasaun servisu husi setor save tomak, ne’ebe mak iha liu-liu hanesan SMASA, parte Ambiente, parte deszastre nian inklui floresta, no mos autoridade relevante tomak iha nivel munisipiu nunee bele haforsa kolaborasaun servisu iha prosesu implementasaun programa, ne’ebe mak halo durante tinan ida hahu husi marsu tinan ne’e no sei remata iha Marsu tinan 2025”. Hateten gestor programa ba jornalista likisa post iha sede suku Dato, 08/11/2024.
Gestor programa mos hatutan programa ne’e dezenu durante tinan ida no sei halao iha suku tolu, ne’ebe liga ba mota laklo ninian tamba mota ne’e dezemvolve husi kadalak ki’ik no mota ki’ik sira.
“hanesan informasaun ami fo konesementu ona katak programa ne’e dezenu durante tinan ida no nia area ou albu ba implementasaun mak iha komunidade suku tolu bazeia ba biografiku neebe mak ita iha liu-liu ba iha area mota laklo hanesan ita hatene katak mota ne’e dezemvolve husi kadalak no mota kiik neebe mai husi suku tolu ne’e “.Dehan Tome
Iha fatin hanesan representante OPS suku tolu komananti OPS hatukesi Jose Soares de Araujo hateten be’e mos sai hanesan prekupasaun ba parte hotu tamba ne’e husu ba parte hotu haneaan xefe suku, xefe aldeia no kableha sira atu tau matan no asegura be mos iha fatin hotu-hotu.
” koalia konaba be mos hanesan prekupasaun ita hotu nian,liu-liiu ba autoridade suku, sefi Aldeia, delegadu, delegada no kableha sira ida ne’e importante los atu tau matan ba bee mos iha fatin hotu-hotu liu-liu iha suku tolu ne’ebe temi, tuir OPS nia obsevasaun iha susesu barak mak wateraid atinji no ita hetan, uluk ita kuru bee lao do’ok maibe agra besik, liu-liu ba seguramos uluk ita nia inan feton sira ba hariis iha mota halo sira sente la seguru maibe ita agradese ba wateraid tamba halo ona servisu barak hodi ohin loron suku sira bee iha hotu ona be mos”. Tenik OPS suku hatukesi iha sede suku Dato.
Iha fatin hanesan sefe suku Dato,Oscar da Silva hato’o agradese ba ONG hotu neebe servisu makas ba be’e mos.
” ohin ita kolia konaba bee be sai sentru ba ema hotu iha mundu ema riku mos presiza be tamba ne’e ita agradese ba Wateraid no ONG hotu, no ita iha suku tolu ne’e tenke hare hamutuk iha baze ne’ebe mak ita hela ba ohin OPS dehan tesi kanu kaer konaba ida ne’e lei dato iha ona, lei ami kaer lubuk lei ami kaer mk nafatin ami la exekuta husi fatin seluk, tarabandu ne’e ba buat hotu ba ai sunu, ai-oan bee, kanu ne bandu nia samsaun kona hotu, lable tama ema nia kintal, kintal ida-idak nian, animal mos lesi idaidak nia fatin ai sunu hili idaidak nia fatin lable sobu estraga ema nia be’e”.
Entretantu iha formasaun ne’e sei halo durante loron rua husi sexta feira loron 8 to’o sabadu loron 9 fulan outobru no partesipa husi representante komunidade suku tolu Dato, Hatuquesi no Loidahar.
Jornalista : Novenia Alves Correia
Editor : Francisco Xavier
