likisapost.com,11/09/2025 Díli=Uniaun Estudante Universitario Munisipiu Ermera (UNEUMER) hala’o conferência Imprensa iha Jardim 5 de maio Díli la konkorda ho desizaun Parlamento Nasional Sosa kareta prado ho unidade 65 ba Deputado sira.
Porta-Voz,sergiu ximenes da costa hateten Relasiona ho politika parlamentu Nasional nian ne’ebe aprova proposta orsamentu privativu ba tinan fiskal 2025 ho total orsamentu miliaun 4.2 Miliões ne’ebe aloka ba sosa kareta foun ho marka Prado unidade 65 ba membru Parlamentu Nasional sesta lejislatura nian.
Tamba ne`e Uneumer lamenta tebes ho politika sesta lejislatura PN nian ne’ebe aprova proposta orsamentu privativu ba sosa kareta prado, Uneumer hare’e katak lolos ne’e membru deputadu sira ne’ebe reprezenta povu Timor Leste iha uma fukun Parlamentu Nasional diskuti foka ba dezenvolvimentu nasional liliu hare’e ba asuntu Ekonomia, saúde no Edukasaun iha Timor Leste ne’ebe afeita direita ba Povu Timor Leste, povu ne`ebe sai nain ba Estadu RDTL.
Tuir Uneumer nia hare’e katak reprezentante Povu iha uma fukun PN laiha seridade ba diskuti problema prioridade ne’ebe povu Timor Leste imfrenta iha prosesu dezenyolvimentu nasional maibe pelu kontrariu sira diskuti no aprova fali orsamentu privativu hodi sosa kareta prado ba sira nia an. Mesmu mandatu hela tinan rua atu termina ona maibe reprezentante Povu iha uma fukun PN mos la aprezenta problema real ne’ebe Povu Timor Leste imfrenta, oinsa mak bele iziji ba governo hodi tau ba planu asaun anual 2025?
Tuir dadus konkretu ne’ebe UNEUMER acessu hanesan Timor-Leste moris iha liña pobreza 48,2% , falta ba Edukasaun ho kualidade diak, falta asessu ba fasilidade saúde no be`e mos, 2023 taxa inseguransa ai-han 27% husi populsaun (ema 360,000 mil), 2024 mal nutrisaun kronika ba labarik 47%, no 2024 taxa dezempregu 1,60%. konektividade estrada rural no urbanu balun sei kontinua sai problema seriu ne’ebé difikulta movimentu transporte publiku no privadu iha nivel teritoriu tomak partikularmente munisipiu Ermera. Maibe Deputadu sira moris previlegiu no regalias oi-oin hanesan, simu lap-top, simu prado, subsidiu ba kombustivel, subsidiu ba alojamentu ka hela fatin, subsidiu ba tratamentu saude, subsidiu ba apoio serbisu politika,subsidiu ba mate nian, no mós salario mensal ho montante bo’ot.
Husi ne`e uneumer konsidera-se deputadu sira Parlamentu Nasional halo traisaun ba prinsipiu bem-estar social ka moris diak povu nian. La halo fiskalizasaun no la buka dados sira, tuir kondisaun real iha timor-leste, tur deit iha fatin depois, proposta orsamentu sosa kareta, la hare’e ba povu nia susar no terus iha nasaun RDTL.
Solusaun husi UNEUMER
1. Hapara sosa kareta hodi tau osan adisional ba solusiona problema Edukasaun,Saude,Ekonomia, Eletricidade, Be’e mos, Liu-liu estrada iha Munisipiu Ermera.
2. Diskuti politika dezenvolvimentu komunitaria ne`ebe sai hanesan dezenvolvimentu ekonomia non petrolifero hodi atinji objetivu estadu nian ne’ebe ko’alia iha artigo 6 konstituisaun RDTL nune bele garante Bem estar ba social povu Maubere. Ikus liu Uneumer la konkorda ka diskorda total PN Sosa Kareta foun tamba;
1. La nesesario ona ba PN
2. Mandatu Sesta lejislatura besik hotu ona no laiha tan tempu ba PN hodi halo fiskalizasaun,tamba iha tinan 3 nian laran liha viagen local hodi hare povu nia problema, maibe mandato hotu ona maka hakarak sosa kareta foun, laiha sintidu reprezentativu iha nasaun.
Jornalista: Francisco Xavier
