Mundo ohin loron hamri’ik ho plataforma teknologia ne’ebé fórte no fasil ba ema hotu atu utiliza hodi hala’o aktividade, serbisu ho tempo badak, inklui Timor-Leste ne’ebé Maioria populasaun mak uza teknologia husi Nivel Nasional to’o Nivel Báziku ne’ebé sai hanesan Misaun ida hodi ajuda no atinji sira nia objetivo no mós barak mak buka moris liu husi dalan Teknologia
Edukasaun hanesan Armas hodi muda mundu (Nelson Mandela) tanba husi edukasaun mak ita koinese konabá Relijiaun, História, Ambiente, Teknologia no Ezisténsia Natureza Mundu, normalmente ema hotu tenke liu husi Edukasaun hodi kontinua eziste no aprende nafatin
Teknologia Edukasaun ne’ebé implementa iha Eskola liu-liu siénsia ke prodúz husi edukasaun Timor-Leste hodi implementa iha eskola ba estudante sira aprende, maibé Maioria Siénsia ne’ebé estudante sira hetan dala barak la’os siénsia foun maibé siénsia Expair ka ema la uza ona, ita fóti mai aprende nafatin! tanba seidauk iha preparasaun kondisaun ba estudante sira nian ho di’ak liu tan. Tanba saida?
PROBLEMA SIÉNSIA EDUKASAUN!
SIÉNSIA
Dala barak siénsia ne’ebé estudante sira aprende la’os ona buat foun, tanba siénsia sira estudante sira hetan Tinan-Tinan repete ba repete hodi fó imapkto ba Kreatividade estudante sira nian liu-liu iha área Teknologia hanesan ema Creator ka Produtor ida liu-liu iha Área Teknologia nian atu nune’e sira bele Aktivu, Inovativu, Kreativu, Efeketivu no di’ak liu, tanba Siénsia laiha mudansa tuir nia erra no laiha siénsia foun ne’ebé bele produz husi Manorin sira ke iha Kompoténsia tomak atu tau responsabilidade ba problema refere hodi hamosu Problema ba faktores barak hanesan ema Creator no Desenhador ida
SISTEMA
Sistema ka Regra implementa iha eskola dalaruma Diskrimina estudante sira nia kakutak no kreatividade rasik tanba ne’e Tempu hira liu ba mosu tan Termo PAIKEM,no saida mak PAIKEM?
Sigla husi PAIKEM mak :Aprende, Aktivu, Inovativu, Kreativu, Efeketivu no di’ak
Problema ida ita hasoru iha Edukasaun husi uluk to’o agora mak problema Frakeza de Prossesu aprende, Faktus no realidade barak mak hatudu ona katak susar atu suporta estudante sira hodi hasa’e sira nia potensialidade ne’ebé sira iha
Realidade ita implementa iha fatin aprende ka eskola mak,hatudu no obriga Estudante ida nia fórsa atu Dekór infórmasaun,no obriga estudante ida nia kakutak atu lembra ka hanoin infórmasaun ne’ebé nia Dekór, Temi, Esplika, komparasaun no sira seluk tan, sira tenke hanoin no repete fali sem observasaun husi Manorin sira ne’ebé iha kompoténsia tomak sai hanesan,ema Deseinhador ida hodi hasa’e Potensialidade no Kreatividade estudante sira nian no responde situasaun sira tuir erra ka jaman
KAPASIDADE MANORIN
Manorin sira tenke aprende aumenta tan maske sira sai hanesan mata dalan no hanesan ai-horis ne’ebé bele produz Bé, tanba ne’e manorin sira iha kompoténsia tomak atu buka alternativu ida fasil hodi suporta estudante sira atu hatudu sira nia kreatividade, maibé dala barak siénsia sira ne’ebé manorin sira fó laiha mudansa tuir erra ka siénsia ne’ebé sira lori la Update nia kontexto foun,hodi fó impakto ba kreatividade estudante sira nian tanba siénsia ne’ebé sira hetan la dun fó efetivo no variativo ba estudante sira
Ita halo komparasaun ho nasaun seluk sira nian
Ema nian Siénsia kada fulan 6 (Neen) tenke kria kontexto foun ka Update materia Refere, maibé realidade ita nian tinan-tinan materia repete bebeik no laiha mudansa tanba ne’e susar ba estudante sira atu koinese siénsia foun
No Manorin sira mos tenke iha konsiénsia hodi aprende tan buat foun tanba siénsia sira ne’ebé sira lori nee siénsia passado nian, Manorin sira tenke kria rasik no halo mudansa ba kapasidade atu nune’e materia sira ne’e labele sai atrazado ba estudante sira
REGRA
Implementasaun Regra eskola dalaruma la dun fó benefisiu di’ak ba estudante sira, tanba regra ne’ebé implementa iha eskola hanesan Sistema Militarismo ne’ebé estudante sira labele kontra Manorin sira
– Wainhira sira sente manorin sira halo sala
– Bandu labele kontra no Krítika
– Tenke Kumpri maske regra balu la fó benefisiu ba Estudante
– Obriga Estudante sira ba buat ne’ebé sira labele
– Obriga Estudante sira ba buat ne’ebé sira la gosta
Hanesan Alber Einsten dehan : “ Ema hotu sempre Matenek,mais Se o obriga ikan ida ne’ebé nani iha tasi laran mak atu sa’e fali Ai ida, nia bele dehan ba nia aan katak: durante nia vida moris nia mak animal ida ne’ebé beik”.Signifika saida?
Nune’e mós vida estudante,se ita obriga estudante ida ba buat ne’ebé nia la gosta,ita bele dehan katak estudante ne’e beik! Ema hotu aprende tuir nia Talentu no tuir saida mak nia Gosta.
TEMPU
Dalaruma tempo eskola nian barak liu duke aktividade extra husi Estudante sira, oinsá mak estudante ida bele buka nia aktividade seluk, hodi hatudu sira nia kreatividade,Hanesan
– Tempo atu halimar
– Tempo buka Talento
– Tempo buka Servisu seluk
– Tempo Estuda siénsia Extra
– Tempo atu buka sira nia Kreatividade rasik
Liu-liu sistema eskola no tempu Aula ne’ebé halo estudante sira aprende la dun fóka ba matéria ne’ebé iha hodi hamosu problema ba estudante sira nia kreatividade no Família sira mos la solusiona, maibé preokupa liu ba problema sira seluk
Tuir Linda Bress Silbert, Ph.D no Alvin J Silbert, Ed.D, founder no Direktur Strong Learning Centers iha New York, hateten wainhira inan aman preokupa ba estudante sira nia problema mak,inan aman sei buka alternativu ida ne’ebé fasil hodi ajuda sira, mais realidade mosu problema ba oan sira susar atu aprende tanba baruk, la preokupa no laiha karakter ida ne’ebé di’ak hodi aprende
Tanba ne’e mak mosu Konseptu sira no Estratejia hodi hadia oinsa atu aprende liu husi dalan Edukasaun Teknologia?
Prosessu ne’ebé ita aprende iha eskola tuir Miarso(2009) dehan sei la do’ok husi Kondisaun,Metodu no Rezultadu husi Aprende
Kondisaun Aprende mak : Observa karakterístika aprende no Karakterístika Estudante
Metodu Aprende mak: Oinsa dudu sira atu aprende iha vida Organizasaun, Teknologia, Livru no Stratejia Finalidade.
Rezultadu Aprende mak: Hare’e husi Efektivu no Efisien no saida mak estudante sira gosta aprende
Tuir termu PAIKEM :Aprende,Aktivu,Inovativu,Kreativu,Efeketivu no di’ak
1.Aprende Aktivu mak hanesan estratejia aprende atu nune’e situasaun iha eskola moris
2.Aprende Inovativu mak hanesan estratejia aprende ne’ebé hakbesik liu ba kreatividade
3. Aprende Kreativu mak hanesan estratejia aprende ajuda dudu estudante sira hetan lalais nia potensialidade
4. Aprende Efektivu mak hanesan estratejia aprende ne’ebé atu hetan nia rezultadu
5. Aprende di’ak mak hanesan estratejia aprende ne’ebé hamosu indikator tolu mak: Efektivu, Efisien no furak ba estudante sira atu aprende.
Husi maneira sira ne’e mak ita bele dekreve e observa didi’ak implementasaun sistema ne’ebé mak di’ak liu tan, tanba edukasaun mak save ba mundu, tenke kria kondisaun no sistema ida ne’ebé mais aseadu e fórmado, atu nune’e ba futuru labele sai risku ba jerasaun foun sira liu-liu mundu ne’ebé mai ho Erra teknologia no alternativu estratejia sistema Edukasaun foun ida ne’ebé lalais hanesan nasaun seluk sira nian.
“Nasaun atu ba oin no ba kotuk ne’e ema hotu bele, mais atu determina nasaun ne’e nia futuru so foin sa’e sira tempu agora “tanba nasaun ne’e iha foin sa’e sira nia liman….Tau iha Prátika…..
#Narciso Lopes Da Cruz Fernandes
