Likisapos.com-Dili Loron 06/02/2023, Secretario Estado da Juventude e do Despoto SEJD hamutuk ho Sentru Treinamentu Futebol Juvenil (STFJ) Baucau halo seremonia despedida ba jogador Timor oan na’in rua ne’ebé mak desloka ba Brasil hodi tuir treinamentu.
Iha entrevista ho SEJD Sua exelensia Eng.Abrão Saldanha hateten agradese ba sentru treinamentu futebol juvenil Baucau,ne’ebé mak fo treinu ba jogadoór na’in rua nomos agresede mos ba inan aman tanba fó ona sira nia oan hodi ba tuir treinamentu iha Brasil.
‘’ ha’u agresede especial sentru treinamentu juvenil Baucau nomos ba inan aman ne’ebé fó on imi nia oan hodi ba tuir treinamentu iha Brasil, imi tenki hatudu disiplina no hahalok ne’ebé di’ak liu, tanba imi nain rua mak sai odamata ba maluk Timor oan sira seluk, ita tenki hatudu hahalok ne’ebé mak di’ak.’’ Dehan Abrão Segunda 6/02/2023.
Iha sorin seluk representa Sentru treinamentu futebol Juvenil Baucau Maria Canossa Agradese tebes ba SEJD nia programa no apoiu ba sentru hodi ohin loron produz duni jogador nain rua maske seidauk akademi maibé necesita tebes duni ba sentru treinamentu futebol Baucau nian.
‘’husi senntru ami agradese be Secretario Estado ninia programa tomak ne’ebé durante apoiu barak husi ita bo’ot, ne’ebé ohin produz ona elementu nain rua husi sentru baucau ninian maske seidauk akademi maibé nesecita duni ba baucau ne’ebé ohin jogador nain rua marka ona presenza iha ne’e hodi desloka ba Brasil hatudu katak ita timoroan mós bele hetan treinamentu iha nasaun CPLP Brasil’’ dehan Maria segunda feira 6/02/2023.
Maria rekomenda be jogador nain rua katak tenki hatudu identidade Timor nian no bu’at ne’ebé mak imi nain hetan iha sentru no husi ina aman nia moral, maske seidauk hatene portuges maibé esforsu atu nune’e bele ko’alia portuges.
Iha fatin hanesan jogador Norberto Olivio De Jesus senti kontenti tebes tanba bele ba desloka ba Brasil hodi tuir treinamentu, no mensajem ne’ebé mak husi SEJD ho STFJ Baucau rekomenda ne’e jogador nain rua sei be implenta no halo tuir hirak.
‘’ Ha’u senti kontenti tebes no agradeese ba SEJD no STFJ ne’ebé mak fo ona oportunidade mai ami hodi ba tuir treinamentu joga iha Brasil, bu’at ne’ebé mak rekomenda husi Secretario estadu juventude no desporto e sentru treinamentu futebol juvenile hato’o ami sei halo tuir no aplika iha ne’eba’’ dehan jogador ne’e 6/02/2023
Aliende ne’e João Da Costa representa inan aman husi jogador nain rua hateten senti kontenti no agradese tebes be governo nia apoiu tomak, tanba primeira vez Baucau oan nain rua bele ba tuir treinamentu jogo futebol iha brasil,representa inan aman nia esperansa katak sira nia oan ba tuir treinamentu iha brasil ho di’ak maske la sai ema ne’ebé jogador di’ak maibé sai ema ne’ebé mak di’ak future.
‘’ Nu’udar inan aman senti kontenti tebes no ami hotu haksolok primeira vez ami Baucau oan nain rua bele tuir treinamentu iha Brasil, agradese mos ae governo nia apoiu tomak, nu’udar familia hatene katak sira nain rua aprende buat ne’ebé di’ak se karik la sai jogador di’ak maibe sai ema ne’ebé di’ak no sidadaun ne’ebé di’ak iha futuru’’ dehan João 6/02/2023
Orsamentu ne’ebé governu apoiu ba jogador nain rua no treinador ida hodi desloka ba Brasil hamutuk 16,000 mil, no osan 16.000 mil ne’e konta ba despeza sira tuir dalan nian no hahan loro-loron nian durante ita ida iha Brasil.
Jornalista : Alves
Editor : Ekipa Likisapost.com
