(Likisa post.com),Sexta-Feira,08/11/2024,Likisa=Sarani paroquia São João de Brito, SAJOBRIL,antusiasmu hamutuk ho Padre paroko nain 4 simu ilhas kruz joven no inan virgem Iha igreja Paroquia São João de Brito Likisa.
Iha Homilia padre selebrante Pe . Aderito da Costa vilar Moreira hateten parokia likisa agradese no obrigado ba sarani sira husi parokia laleia no lolotoe bele hodi ilhas kruz joven no inan virgem mai deskansa ho ami parokia likisa
“Agradese ba amo nain rua husi parokia Rua no sira nia sarani sira bele hodi ona ilhas kruz joven no inan virgem mai deskansa Iha parokia likisa durante kalan ida hodi rona sarani sira nia harohan ” Dehan pe. Selebrante
Tuir observasaun jornalista Likisa Post depois de misa sarani sira oferese fatin ba peregrinhos sira husi parokia rua hodi deskansa.
Antes kruz joven no inan virgem kontinua viagem ba parokia lolotoe sei misa hamutuk Iha igreja São João de Brito Likisa preside misa husi Pe.Natalino Verdial de Sousa Gama.
Iha Homilia padre selebrante pe. Natalino verdial de sousa Gama hatete liu husi vijita ilhas kruz jovem no inan virgem nian mai Iha paroquia husu ba sarani sira atu husu harohan liu-liu ba jovem sira atu lao ba dalan Los, dame Iha rai ida nee.
“Husu ba sarani Diocese Maliana nian liuliu ba sarani paroquia likisa atu nafatin hasae orasaun ba ilhas kruz jovem no inann virgem atu tau matan mai ita hotu liu-liu jovem sira Iha rai ida nee atu moris Iha dame , lao ba dalan Los nia laran ” Hateten amu selebrante.
Tuir Observasaun husi jornalista Likisa Post sarani paroquia likisa no peregrinhos sira quaze ema rihun ida resin mak hamutuk hodi akompanha ilhas kruz jovem no inan virgem kontinua viagem ba paroquia Lolotoe.
Entretanto grupu joven no eskuteru servisu hamutuk ho PNTL Munisipiu nian hodi halo seguransa ba peregrinhos no sarani sira durante venerasaun krus husi kalan to’o loron situasaun lao normal*.
Jornalista : Virginia Vidigal dos Santos
Editor : Francisco Xavier
