Likisa post.com,17/06/2025,Liquica=Liu husi Policia Xefe Seksaun Tranzito Seguransa Rodaviario Munisipiu Liquica Inspectur Assistetente Policia Leopoldino dos Santos Terca-feira ne’e iha edefisio Transito Liquica hateten iha fulan lima hahu husi fulan Janeiro to’o fulan Maiu Tinan 2025 Policia Tranzito Munisipiu Liquica rekolla koima dolar amerikanu rihun sanulu resin hitu atus ne’en sanulu resin ida ba kofre estadu.
“Koima ne’ebe mak durante ne’e ami passarevista no mos halo shuifing husi Fulan Janero to’o Maio 2025 ne’e konta hamutuk iha U$ 17.611 dolar,osan hirak ne’e hatama ona ba kofre Estado”.
Policia ne’e informa motorista ne’ebe kondus motor no kareta bainhira passarevista barak liu la iha karta kondusan no la kompleta dokumentus.
“Iha ne’e dala ruma bainhira ami passarevista barak liu la iha karta kondusaun no barak liu mos motor sira balun sedauk ba rejistu ou sedauk balik nama,bainhira sira hola motor mai sira nunka ba troka naran,ba motor no kareta sira ne’ebe mak binhira kondus kareta ho motor sira la iha karta kondusaun entaun baihira ami halo pasarevista ami sempre hetan karta kondusaun la iha depois sira nia dokumentus la iha hanesan KIR,STNK la iha buat sira ne’e hotu mak akumula,ami passa nota tilan ba sira ou ka nota infrasaun ba sira hodi ba selu iha banku”.Policia ne’e explika
Policia Transito ne’e alerta ba motorista sira bainhira kondus motor tenke uza kapasete atu salva vida bainhira hetan dezastre ruma no nia apela ba motorista sira tenke kompri tuir lei kodigu estrada nian.
Jornalista : Francisco Xavier/Aniceto Maia
Editor : Redasaun Likisa Post
