Likisa post.com,Loron,05/06/2025 Liquiça=Polícia Maritima hamutuk ho F-FDTL hala’o socialização kona ba ambiente tasi mós iha eskola secundariu Geral Liquiça.
Ofisial Autoridade polícia Maritima Nacional Primeiro Tenente Raul Vicente Correia hateten socialijasaun Liu husi nee atu komemora loron mundial ociano.
“Ida ne atu komemora Loron mundial oceano tamba nee mak iniciativa ita nia governu ninian hodi fo servisu ida mai ami husi autoridade maritima nacional ne’ebé mak junta ho ita nia unidade policia maritima hosi PNTL mai halo sosializasan kona ba oinsa atu konserva ita nian ba iha ita nia estudante”.Dehan Ofisial Maritima Nacional Primeiro Tenente Raul Vicente Correia Ba Jornalista Likisa Post Loron 05/06/2025 Quinta-Feira ne’e
Raul Mos Informa tan katak Labele soe foer arbiru iha ita nia tasi tamba tasi mak fo moris mai ita
“Materia atu fahe ba sira oinsa ita fokus liu mak atu konserva ita nia tasi i nune mos labele soe foer arbiru iha ita nia tasi tanba ita hotu hatene katak tasi mak fo moris mai ita tanba nee ita tenki socializa ba ita nia estudante atu konese di-diak katak importância tasi ne’e labele halo foer tamba foer dala barak mosu iha tasi nee mai husi atividade humanu nian iha rai maran maka mosu iha tasi laran enkuandu mosu iha tasi laran nee estraga biodiversidade neebe iha tasi laran entaun inpaktu ne’e fila fali mai ita tamba ida ne’e mak iniciativa husi ita nia governu nian liu husi autoridade maritima ho unidade policia maritima mai halo sosializasaun ba ita nia estudante atu nune’e estudante bele hatene katak labele soe foer arbiru i kuandu soe foer arbiru foer to iha tasi inpaktu ba ita nia biodiversidade iha tasi i depois fila fali ninia inpaktu ladiak mai ita”. “Nia Explika
Nia mos hateten mantein ita nia higiene hamos ita nia ambiente atu nune labele hafoer ita nia tasi.
Mensajen ne’ebe mak atu hato’o ba estudante sira katak hanesan materia neebe mak ohin ita nia oficial fo iha ne mantein ita nia higiene hamos ita nia ambiente atu nune labele hafoer ita nia tasi i konserva ita nia tasi halo didial para depois ita bele aproveita ita nia rikusoin iha tasi liuliu ba mina,no ikan tamba foer ne’ebé mak ikan han ne depois ita han fali ikan ne fila fali mai ita deit.
Sorin Seluk Diretor eskola sekundariu Geral Liquisa Domingos Ramos Hateten Agradese Ba Planu governu nian liuhosi equipa rua parte hosi F-FDTL no mos Policia Maritima.
“Iha Parte Eskola nian liuliu area Edukasaun ami senti agradese ba planu governu nia liuhosi equipa rua parte hosi F-FDTL no mos Policia Maritima nian lori mai fahe informasaun ne’e ba ita nia estudante nu’udar joventude ida Ne’ebe autor ba desenvolvimento i liuliu ba albu ba informasaun ne’ebe ohin hato hosi equipa rua ne’e sai hanesan informasajn edukativu ida ba ita nia sosiedade ne’ebé hela besik iha area tasi ibun atu nune’e bele proteje ita nia tasi liu hosi soe foer arbiru iha fatin lori kria risku ba ita nia seres vivos ne’ebé iha tasi laran entaun ida ne mak informasaun ohin ne’ebe hato ne diak teb tebes no kapas teb tebes atu ita lori proteje ita nia tasi”.
Domingos Mos Salienta tan katak sei iha planu ba oin hodi kria equipa lori estudante sira ba hamos foer iha tasi ibun.
“Hosi eskola nian atu kuidadu ita nia tasi ami sempre iha orientasaun depois ita sei iha planu ba oin i kria equipa i loron determina por exemplu fulan ida ou semana ida ita bele lori ita nia estudante bele tun ba tasi ibun para hamos foer nebe iha ita nia tasi*Nia Hakotu.
Jornalista : Estajiadu GFD,Narcisio Gusmão/Claudia Garcia Soares
Editor : Redasaun Likisa Post
