𝑳𝒊𝒌𝒊𝒔𝒂 𝒑𝒐𝒔𝒕.𝒄𝒐𝒎 Sabado,02/11/2024, 𝐋𝐞𝐨𝐫𝐞𝐦𝐚 Pe.Aderito da costa Vilar Moreira iha nia entrevista husu ba sarani sira reza ba matebian sira laos tau hahan ba matebian sira,maibe liu husi orasaun,misa no eukaristia no mos lori aifunan ho fresku laos hodi aifunan ne’ebe plastiku ba tau iha rate.
Pe.Aderito da Costa Vilar Moreira hateten Kultura ne’ebe presiza haklean,presiza haburas Liu husi dalan maromak nian Laos dalan jintiu Sira nian,dalaruma Ita tau konseitu sala Ita lori hahan Sira ba rate.
“Mate bian Sira la presiza ita Nia hahan Sira presiza Ita Nia orasaun,Sira presiza Ita nia misa,Sira presiza eukaristia ba Sira Sira presiza Ita Nia aifunan Sira ne’ebe fresku Laos aifunan Sira ne’ebe naok,aifunan ne’ebe ho plastiku atu fo ba Ita Nia matebian sira Maibe aifunan Sira ne’ebe Ita foti husi Ita Nia kosarwen rasik”.
Hanesan ita hotu hatene katak ita sira ne’e moris husi sira nia esforço ne’e mak ita bele sai bot,matenek ita hetan buat hotu husi Sira nia esforsu no matenek.Tamba nee matenek ne’ebe maromak haraik mai ita ho loron finado ita haksolok fali ba Sira Liu husi ita Nia orasaun,eukaristia ne’ebe Ita selebra ohin loron liu husi misa no kari aifunan.
“Nunee Ita Sira Nia Moris hanesan padre Sira Amu bispo, santu padre Ita hotu ne’ebe selebra Ita mós selebra Ita Nia mate hodi hanoin no reflete katak wainhira Ita mate ema hanoin iha ema Nia orasaun Sira kalae,ema hanoin Ita iha eukaristia sira kalae atu núnee Ita Nia klamar bele hetan perdaun Ita Nia sala Sira bele hetan maromak Nia grasa Liu husi Ita Nia hahalok Diak Sira”.Nia Explika
Loron finado ho konseito geral Ita hasae adorasaun reza ba matebian no tau hahan ba matebian Sira,Maibe finado signifikan katak (Fim no Passado ikus Liu iha Ita Nia vida passado ne’ebe ita Liu ona,finado ne’e signifika Ita selebra Ita Nia fim no Ita Nia passado).
Entretantu tema ba misa loron bot finado ba tinan ne’e la iha maibe refelta tuir evangelo dehan hau mak ai han moris nian tun husi lalehan.
“Ita nia tema ba selebrasaun loron finado ba tinan ne’e laiha maibe ida-idak refleta ba hanesan evangelu dehan ha’u mak aí-han moris nian tun husi lalehan,aihan ne’ebe Ita simu husi rai mai husi maromak,buat ne’ebe maromak fo Mai Ita mai husi nain Jesus kristu,agora Ita presiza tuir nai Jesus kristu ne’ebe halo ita ida de’it kominiaun ida de’it ho nai maromak Liu husi nai Jesus kristu Nia futar isin ho ran ne’ebe Ita selebra iha eukaristia, eukaristia hanesan sentru ba Ita fiar hanesan sentru ba kominiaun hotu iha família Sira neebe hanaran kristaun”.Tenik Aderito
Ne’e Duni tradisaun uma kreda nian ne’ebe fo Mai Ita Liu Liu iha diocese maliana hala’o Hela pastoral ahi matan tolu,hanesan sagrada Bíblia,magistério no tradisaun.
Ita Nia Reza ba matebian Sira hanesan tradisaun ida,tradisaun ne’ebe Diak hanesan santu padre ninia vizita Mai Ita Nia Rai ho tema Ida Mai Ita, Dehan “Que A Vossa Fé Seja A Vossa Cultura”.
Enkuantu tuir observasaun Jornalista Likisa post nota katak misa ne’ebe preside husi Pe.Aderito da Costa Vilar Moreira iha kapela Baura suku Leorema Postu Bazartete Munisipiu Likisa,Sarani sira ho antusiamu partisipa misa no lori aifunan ba misa hodi hetan bensaun husi nai maromak hafoin sarani sira lori ba kari ai-funan iha semiterio no rate sira.
Jornalista : 𝐅𝐫𝐚𝐧𝐜𝐢𝐬𝐜𝐨 𝐗𝐚𝐯𝐢𝐞𝐫
Editor :𝐑𝐞𝐝𝐚𝐬𝐚𝐮𝐧 𝐋𝐢𝐤𝐢𝐬𝐚 𝐩𝐨𝐬𝐭
