MARCELINO: KOMEMORASAUN 12 NOVEMBRU NO LORON NASIONA BA JOVENTUDE IMPORTANTE BA TIMOR-LESTE
(Likisa post.com) Segunda-Feira,11/11/2024. Likisá = Selebrasaun loron 12 Novembru Tinan 1991,Assosiasaun Centru Joventude Likisá Realiza Seminariu iha loron 11 de Novembru de 2024 ba dala 33 ho Tema,Orgulho ho ita nia historia no hamutuk desenvolve ita nia nasaun ida prosperu iha futuru,atividade seminariu ne’e hala’o iha ACJL,Postu Likisá Munisipiu Likisá.
Iha Intervensaun Sobrevivente 12 de Novembru Likisá Marcelino de Jesus Pereira hateten ho komemorasaun 12 de novembru bad ala-33 no loron nasional juventude loron ne’ebe importante ba Timor-Leste.
“Tinan tinan ita komemora loron 12 de novembru hanesan loron bo’ot rua ida ita komemora loron masakre santa cruz 12 de novembro 1991 Rua ita nia estado dekreta mos loron 12 de novembru hanesan loron nasional joventude Timor-Leste ne’ebe ohin ita selebra loron bo’ot rua hanesan Komemorsaun Masacre Santa Cruz 12 de Novembru ba dala-33 no Selebrasaun Loron Nasional Juventude ne’ebe importante ba ita hotu”.
Sobrevivente 12 Novembro Likisá Marcelino de Jesus Pereira hanesan reprezenta husi komite 12 de novembro iha tinan 1991 Liquica nian agradese ba ministeiro joventude desporto e Arte Kultura ne’ebe apoio hodi selebra loron bo’ot Komemorsaun Masacre Santa Cruz 12 de Novembro ba dala-33 no Selebrasaun Loron Nasional Juventude ne’ebe importante ba Timor-Leste,tamba ne’e tuir observasaun sobrevivente ne’e lamenta ho partisipasaun tinan ba tinan iha komemorasaun loron 12 de novembro menus ba beibeik.
“Agora politika governo nian atu konsolida foin sa’e timor- leste nian to’o iha ne’ebe ona se los mak joventude timol – leste nian mai ho masakre santa cruz neebe ita komemora deit hanesan nee ita atu reflete deit saida,uluk loron 12 novembro ne’e comite 12 novembro servisu hamutuk no parte governo comite 12 novembro mak organiza ne’ebe haree ba partisipasaun ne’e ema barak, Maibe depois de entrega ba governo nia partisipasaun mak ita hotu hotu hare keta halo ami mak koalia ho lia bosok, depois de entrega ba governo hodi asiste partisipasaun ida nee hanesan ohin ami dehan la presiza ona,tamba saida mak sai hanesan ne’e,se ba de’it massacre santa cruz 33 anus liu ba.” Marcelino esplika.
Kona ba loron nasional joventude sobrevivente Marcelino informa ho selebrasaun ne’e inspirasaun mai husi Masacre Santa Cruz no joventude as’wain ne’ebe luta ba independensia katak mate ka moris Timor-Leste tenke ukun rasik a’an.
“Loron nasional joventude ida nee inspirasaun mai hosi masakre santa cruz tamba masakre santa cruz ne’e hanesan manifestasaun pasifico iha tempo ne’eba maioria ita nia joventude ita nia foin sae sira mak organiza no moviliza manifestasaun ida ne’e hotu-hotu komando ida deit rona no hakruk ba komando da luta,tamba ne’e mak ita nia joventude as’wain organiza mobiliza joven sira mai husi organizasaun rejistensia hotu-hotu,organizasaun juvenil da rejistensia inklui artu ritual sira ne’ebe hakarak luta ba ukun rasik a’an ne’ebe foin sae sira esperitu ne’e atu hamutuk ho objetivu ida de’it katak mate ka moris Timor- Leste bele ki’ik bele kiak maibe nia tenke ukun rasik”.Nia explika
Iha invazaun indonesia 1975 luta ne’e mai to’o baza de apoio rahun ita nia maluk , ita nia komandante bobot sira mate, laos de’it komandante mak mate maibe militar sivil no povu baibain bebe sira mos mate,maibe mundo sira sira matan seidauk nakloke, ema hanoin katak intergasaun ne’e mak dalan los liu,indonezia iha tempu ne’eba nia propaganda nee luar biasa,dehan povu timor -leste laiha opsaun seluk ona sira nia opsaun mak hakarak hamutuk ho indonesia ne’ebe mundu seluk,mundu internasional labele koalia ona ne’ebe mundu internasional mos rona propaganda Indonesia nian, maibe la’o to’o iha Frenti Armada,frente Diplomatika,Frente klanestina ita reuni ita organiza malu depois de ita nia saudozu Sebastião Gomes iha asalta ida iha igreja motael iha 28 de outobru iha 1991,ida nee halo reasaun makas husi ita nia foin sa’ e sira liga ho libertasaun nasional,nune’e maka reasaun ida ne’e lori ita mai to’o iha manifestasaun pasifico 12 de novembru.
Marcelino konta masakre 12 novembru nia historia saida mak akontese iha semiteiro santa cruz iha 1991 ne’eba tamba ne’e ba joven sira mundu avansadu hare’e historia iha media sosial hodi akompanha historia timor-lete nian inklui historia 12 novembru 1991 nian,bele ba vizita iha CNC,Centru Nasional Cega no bele vizita iha Muzeun Resistensia nasional Timor-Leste nian.
“Historia masacre 12 Novembru 1991 ne’e marka historia la bele nega no la iha ema ida atu nega massacre santa cruz 12 novembru 1991 durante tinan 33 liu ba la iha ema ida nega maibe saida mak ita halo,ita sira joven ohin loron ne’e hakarak katak joventude loriku as’wain sira ne’ebe uluk luta nee sai ispirador bai ta kalae…sira nia unidade sira nia luta sira nia sakrefisio sira nia mate sira ne’e sai ispirador ba ita kalae…ka ispirador ba joven sira mak baku malu no asalta malu lakohi kontribui,lakohi estuda ida ne’e mak sai inpirador ba ita bot sira…se imi hanoin katak laiha,ispirador b aba ita,ba foin sa’e sira ba estudante sira,ispirador ida mak ita nia joventude loriku as’wain sira ne’ebe sira nia unidade sira nia hamutuk halo manifestasaun pasifiku 12 novembru 1991 hodi sakrifika joven barak mate iha tempu ne’eba,ne’ebe ita hanoin katak ida ne’e mak sai inpirador ba ita,ita refleta ba ita hanoin ba hodi fó homenagem hodi dignifika no valoriza ita nia luta ida ne’e,liu-liu ita nia loriku as’wain sira.”
Enkuantu seminario ne’e rasik hetan apoiu husi Governu no servisu hamutuk ho MAE,MJDK organiza husi Assosiasaun Centru Joventude Likisá,iha seminario ne’e parisipa husi Komandante Esquadra Likisá,CCLN Likisá,Sobrevivente 12 novembru,Presidente Joventude Likisá,Reprentante MJDK,Represnta Presidenta Autoridade Munisipiu Likisá,Estudante iha Likisá no parte relevante sira*.
Jornalista : Joanina Ribeiro
Editor : Francisco Xavier.
