likisapost-Liquica loron 01 Novembru 2022, Juventude Hadomi Futsal Munisipiu Liquica sei organiza eventu futsal femenina iha loron 12 fulan ne’e hodi selebra loron nasional 12 no 28 Novembru tinan 2022.
Vise Kordenador Juventude Hadomi Futsal Munisipiu Liquica Canizio de jesus dos santos via Whatsapp hatete, tuir loloos kompetisaun refere hahu iha loron 5 fulan Novembru maibe tanba estudante sira sei tuir ezame nasional nune’e kompetisaun futsal sei hahu iha loron 12 fulan ne’e, hatete nia.
Foinsa’e refere hatutan tan katak, dadaun ne’e iha ekipa 8 mak rejistu ona no komisaun organizadora sei ekstende rejistrasaun to’o loron 8 fulan Novembru 2022. Responsavel ba kompetisaun dadaun ne’e hala’o ona preparasaun ba kampu no sei utiliza kampu baskeball nian tanba kampu propriu ba futsal seidauk iha, eventu refere hetan finansiamentu husi Autoridade Munisipiu Liquica no ajuda mos husi foinsa’e intelektual balun ne’ebe hala’o knaar iha Dili. (Ghil Soares)
