Likisapost.Com-Liquiça Loron 30/08/2023/, Sarani No Autoriédae Munisipio Liquiça Selebra Misa Eukaristia Hodi Komemora Tinan Rua-Nulu, Resin-Haat, Nu’udar Loron Konsulta Popular Ba Nasaun Timor-Leste, Iha Igreza Katólika São João De Britu Liquiça
Iha omilia Amu selebrante Pe. Natalino Verdial haktuir indenpendensia ida ne’e sosa ho ran no ruin ne’e karan mutun ida husi Timor, nune’e bele hetan indenpendensia ida ne’e, aliende ne’e agradese ba veteran no heroi sira nia knar ne’ebé oferese sira nia vida ba rai ida ne’e.
“Ita nia indenpendensia ida ne’e sosa ho ran no ruin ne’e karan mutun ida husi Timor atu bele hetan indenpendensia ida ne’e, ohin veteranus sira ne’ebé mate ona ita tau hamutuk iha fatin ida, ita agradesementu ba sira knar no oferese sira nia vida ba rai ida nee ita agradese nafatin ba sira obrigadu ba sira tamba sira sakrefisiu sira nee hotu, no husu nafatin grasa Maromak nian atu tulun ida ida idak hodi bele lori rai ida nee ba oin hudi bele hetan independensia ida ne’e ninia valores fundamentu liu ba Timor oan tenke haksolok ho nia independensia ida ne’e “ , tenik Padre selebrante iha nia omilia ba selebrasaun eukaristia hodi komemora loron restaurasaun indenpendensia bad ala 24, iha igreza katólika São João de Brito Liquiça, 30/08/2023.
Aliende ne’e mós Padre ne’e akresenta, valor ba iha luta ida ne’e oinsá prezensa sei bensaun ba malu antes iha responsabilidade ba lider nasaun no rai ida ne’e ninian, nune’e maka padre ne’e husu iha responsabilidade ba ida-idak nia knar, atu bele lori rai ida ne’e no povu ida ne’e bele moris iha ksolok no dame nia laran.
“Ho valor ba ita nia luta ida ne’e no oinsá ita nia prezensa sei bensaun ba malu antes ita iha responsabilidade ba lider nasaun no rai ida ne’e ninian, tanba ida ne’e maka husu ba hotu-hotu atu bele iha responsabilidade ba ida-idak nia knar ho loloos, iha responsabilidade ba ita nia knar sira atu ita lori rai ida ne’e, lori povu ida ne’e hodi bele moris iha ksolok no dame nia laran iha indenpendensia ida ne’e, unidade hanesan Timor nia oan tenke sai boot ba bebeik sai buras ba bebeik atu ita nia prezensa lori bensaun ba rai ida ne’e ba povu ida ne’e no ikus mai ita hatudu dunik ita nia dignidade hanesan nasaun indenpendente ida iha nasaun seluk seluk nia leet”, padre selebrante rekomenda.
Padre paroku ne’’e fundamenta tan katak, ida-idak mai ho nia esperiénsia ba referendu ida ne’e, nune’e hotu-hotu kuidadu didi’ak esperiénsia sira ne’e iha moris lorloron, no kuda nafatin valores di’ak iha ida-idak nia an.
“Idaidak ho nia esperensia ba referendu ida ne’e no hotuhotu kuidaddu didiak esperiénsia sira ne’e iha imi nia moris, kuda nafatin valores di’ak iha ida-idak ninia an fiar no responsabilidade ba vida rai no nasaun ida ne’e nian, i hotu-hotu nia responsabilidade”, dehan Pe. Natalino.
Enkuantu iha selebrasaun misa eukaristia hodi komemora loron konsulta popular ba dala 24 ne’e partisipa husi Administrador Munisipio Liquiça, no Administrador Postu sira, Autoriédade seguransa FFDTL no PNTL, Veteranus no Sarani sira iha munisipio Liquiça, aliende ne’e mós fó homenajen ba eroi da libertasaun nasional, liuhosi kari ai-funan iha Jardin dos Herois munisipio Liquiça.
Jornalista : Ekipa Estájiu GFD
