Likisapost.com-Liquiçá Loron,17/05/2025, Juventude Aldeia Motaikun Liu Husi Komunikadu Imprensa Husu PAM Liquiçá Rezigna-an tanba Komete Korupsaun no Iregularidade Tanba La Aplika Dekretu Lei Art.43 Lei Nu.22/2011 Prosesu Rekrutamentu Liu Husi Konkursu Públiku.
Portavoz Juventude Aldeia Motaikun Nazario Varela liu husi Komunikadu Imprensa hatete, PAM Liquiçá komete iregularidade hodi komete korupsaun relasiona ho rekrutamentu funsionariu kazuais tanba la haktuir ba baze legál ne’ebé iha.
“Bazeia ba rekrutamento funsionário kazuais iha fatin turismo ne’ebé lokaliza iha município Liquiça Posto Administrativo Bazartete, Suco Motaulun, Aldeia Motaicun/kaitehu, husi PAM Liquiça Sr. Paulino Ribeiro ne’e mak komete iregularidade hodi prátika korupsaun, Nepotismo, koluzaun no familiarismo, ho aktus immoral hirak ne’e mak ami husi komunidade Aldeia Motaikun/Kaitehu no Aldeia Mauluto lamenta tebtebes hodi ezije ba parte relevante atu toma atensaun ba PAM Liquiça Sr.Paulino Ribeiro”
Foinsae Aldeia Mota ikun ne’e hatutan katak, Bazeia ba Lei função públika Art.43 lei nu.22/2011, ne’ebé hatete katak atu rekruta funsionariu ruma tenke liu husi konkursu públiku. Maibe PAM Liquiça Sr. Paulono Ribeiro la aplika lei refere ba rekrutamentu funcionário kazuais ne’ebé destakadu iha fatin Turismo Kaitehu nune’e PAM uja nia poder hodi bolu nia familia rasik sira mak halo servisu iha turismo refere enkuantu ema hirak nebe laos nia familia nia ignora total. Maneira rekrutamentu familiarismu ida ne’ebé komete husi PAM Liquiça ami komunidade tomak iha Aldeia rua, Motaikun no Mauluto sente diskriminasaun bot ida ne’ebé nakonu ho injustisa. Tanba ne ami konsidera PAM Liquiça prátika Korupsaun, Nepotismo, Koluzaun no Familiarismo. Rekrutamentu ba funcionário kazuais refere mos PAM nunka maias konsidera autoridade local hanesan Chefe do Suco no Chefe Aldeia. Atu dehan deit katak Liderança komunitária mak besik liu ba povo no hatene kondisaun moris povo nian” Tenik nia
Relasiona ho asuntu ne’e Likisapost.com tenta komfirma ho Prezidenti Autoridade Munisipiu Liquiça maibé laiha komentariu.
Jornalista : Francisco Xavier
Editor : Redasaun Likisa Post
