- Bazartete = (Likisa post.com),Segunda-Feira,11/11/2024,Jose dos santos Gonçalves (Teki-Lemorai) Loron ohin importante tebes hatudu ba juventude hotu-hotu katak sira ne’ebe mak agora dadaun sei eskola hela sira ne’ebe la eskola joven ne’ebe para iha eskola klaran sira bele foti referensia balu husi 12 de Novembru 1991.
Representante veteranus Jose dos Santos Gonçalves (Teki Lemorai) Iha nia entrevista ho likisa post iha ambitu Seminario Komemorsaun Masacre Santa Cruz 12 de Novembro ba dala-33 no Selebrasaun Loron Nasional Juventude,hateten,Loron ohin importante tebes hatudu ba juventude hotu-hotu katak sira ne’ebe mak agora dadaun sei eskola hela sira ne’ebe la eskola joven ne’ebe para iha eskola klaran sira bele foti referensia balu husi 12 de Novembru atu bele lembra fila-fali heroi sira ne’ebe luta ba independensia iha tinan 33 liu ba kotuk.
“Juventude hotu-hotu iha sira nia hanoin ida de’it ba rai ida ne’e atu ukunan entaun sira fo sira nia vida liu husi prosesu oioin,prosesu ida ne’ebe mak atu liberta rai ida ne’e,sira partisipa iha eventu ruma kualker aktividade ida ne’ebe mak atu bele kontra litadura suharto nian forsa armada sira iha teritorio tomak iha Timor-Leste neduni Joven fó sira nia vida ba rai ida ne’e sira hotu-hotu balu hetan sofrementu hanesan kastigu,balu mate kedan balu lakon to’o ohin loron la hetan,sira nia ruin ita la hetan ikus mai fo nafatin sentimentu tristeza ba sira nia familia no mos ba rai ida ne Liliu ba ita nia governu sira husu ba juventude sira agora dadaun ne’e juventude sira presija tenki fo tempu barak ba eskola labele partisipa iha kualker krime ruma atu bele inpede sira nia futuru maibe sira ne’e presija eskola atu bele lori rai ida ne’e ba oin juventude ne’ebe brani teb-tebes juventude ne’ebe prontu atu mate hanesan dadaun ita selebra 12 De novembru ita selebra ondra hodi fo ondra fila-fali ba ita nia heroi sira ne’ebe mate mate iha Santa kruz”.Dehan José
Representa aman veteranus husu ba Joven sira ho selebrasaun 12 Novembro no loron nasional joventude tenke unidade, badinas no banati tuir Joventude ne’ebe uluk hamutuk iha tinan 1999 to’o 1975 kotuk liu ba sai hanesan autor hodi luta ba independeisia.
“Ita ko’alia Kona-ba selebrasaun loron 12 de novembru ba loron nasional juventude, Juventude ne’ebe iha 1999 ba kotuk to’o 1975 juventude ne’ebe bolu autor ba independesia, ohin loron sira halo ona bandeira Repúblika Democratika Timor-Leste RDTL, hamrik ona, ita hetan ona soberania iha mundu katak nasaun RDTL sai hanesan soberania iha mundu Juventude ida,agora moris ho kompetisaun edukasaun,kompetisaun de pratika kompetisaun de talentu kompetisaun de eskil para atu bele kompete iha kualker merkadu internasional no mos nasional,Joven ba futuru atu prense independensia tenki badinas servisu badinas aprende badinas atu pratika iha kualker juventude tenki banati tuir juventude unidade ne’e importante tebes,tenki hadomi malu tenki hako’ak malu tenki futu hanesan ai, para atu bele lori dezenvolvementu ne’e ba oin”.*
Jornalista : Toribia/Joaninha/Carlota
Editor : Francisco Xavier
