Likisapost.com- Maubara Loron 18/03/2023, Filomeno Hahu Nia Negósiu Tais Iha Tinan 1994 To’o Ohin Loron Hodi Sustenta Nia Familia.
Filomeno António Moises hatete nia hala’o negósiu tais, belak, mortel, no ulsuku hahú iha tinan 1994, osan ne’ebé nia hetan hodi sustenta nia família no balu devolve ba estadu tanba nia asesu ba mikro kreditu hodi hala’o nia negósiu.
“Ha’u nia Besnis hahú faan Tais,belak,mortel,ulsuku tama sai postu entre Liquiça, Ermera ho Bobonaro iha 1994, produtu ne’ebé faan sosa tutan fali iha Atsabe depois faan fali la’o tama sai postu, kuandu hamlaha no hamrok pasensia hola dose no bee hodi kalsu estomuk to’o lokraik hodi fila ba fatin deskansa iha familia nia uma. Ha’u nia osan hahú Besnis ho montante 60 dolar ne’e iha 1994, maibé agora ha’u foti osan Estadu nian iha Kaebauk iha 2015 to agora faan nafatin Tais tama sai uma, osan balun ha’u hetan, kada fulan hatama ba Estadu no balun ha’u sutenta nesesidade uma laran no balun fó ba oan sira“.dehan António iha Lissadila, Sabado,18/03/23.
Tanba hakarak sustenta nesesidade uma laran obriga nia la’o husi Atsabe lori Tais tama sai postu Bobonaru, Ermera ho Liquica, daluruma fulan ida ou fulan rua mak fila fali ba horik fatin Atsabe enkuantu tais ne’ebé nia faan hotu ka folin iha merkadu, António aproveita família nia uma hanesan bainhira nia senti kole.
Filomeno iha oan nain 4, Olga Gomes, Rui Lemorai, Ruben Monteiro, Januari Da Cruz no nain tolu harii ona uma kain no ida mak konsege eskola to’o de’it klase 6 maibé la kontinua to agora tanba tau matan ba nia mãe bainhira Antonio sai ba buka osan.
Jornalista : Francisco Xavier
Editor : Ekipa Likisapost
