Liquiçá-Governu Distribui Fugaun Poupa Enerjia atu Nune’e Enkoraja Komunidade Labele Tesi ai no Kuidadu Ambiénte.
Sekretariu Estadu Meiu Ambiente hamutuk ho autoridade munisípiu Liquiçá inklui parseiru dezenvolvimentu sira sexta feira ne’e, distribui fugaun poupa enerjia ba komunidade suku Ulmera. Iha nia intervensaun Sekretariu Estadu Meiu Ambiente Deometro Amaral hatete, komunidade sei poupa ai no ahi suar bainhira uza fugaun refere.
“Bai-bain ita te’in uza lalian tolu no ita uza aid alas tolu, iha fugaun ida ne’e ita uza ai dalas ida de’it no dalas rua ita poupa tiha ona, ita poupa mós problema suar tanba antes ne’e ita uza ai dalas tolu suar barak liu maibé ho fugaun ida ne’e ita uza ai dalas ida de’it no nia suar mós menus liu, hatete nia iha eventu lansamentu atividade Dekarbonizasaun ka To’os karbono iha munisípiu Liquiçá (30/09/2022)
Governante ne’e hatutan dadus deflorestasaun iha Timor-Leste 1.1% no 1.7% ne’e aas iha Azia no iha mundu se ida ne’e akontese bebeik Timor-Leste ameasa rai sei Maran no impaktu ba bee matan sira lakon hotu, nune’e nia enkoraja komunidade atu poupa ai hodi salva Timor-Leste no mundu. (Ekipa Likisapost.com)
Journalist : Ekipa Likisapost.com
Editór : GS
