Likisapost.com-Bobonaro Loron 02/08/2023, Membro Governu Ministro ho Komunidade Postu Administrativu Atabae no Balibo Partisipa Kolleta Ikan Iha Lagoa Be’e Malae Suku Saniri Postu Balibo Munisipiu Bobonaro
Tuir Prezidente komisaun organizadora Agustu Dato Buti hanesan mos xefe suku saniri iha nia intervensaun hateten, durante nee servisu hamutuk ho Administrador Postu husi Atabae ho xefe suku sira kona ba atu promove turismu komunitaria e kulturál iha postu administrativo Balibo suku Saniri Lagoa Be’e Mala’e ne’ebé hala’o ona a tividade tara bandu, atividade desportu lansamentu tradisional ne’ebé hala’o iha Saniri Lagoa B e’e Mala’e Postu Balibo, apoio husi seguransa hahú husi tara bandu to’o kolleta ikan.
“Ami tarabando hetan apoio husi MTCI apoio orcamentu balun hodi tara bando mai to agora iha nee mos ami loke desportu durante fulan ida no mos ami hetan seguransa husi autoridade UPF,Maritima,PNTL ho polisia Militar mak fo apoio seguransa maksimu durante fulan ida.”Dehan Xefe suku nee iha Lago’a Be’e mala’e,Sabdo,2/09/2023
Nia akresenta tan daudaun ne’e komunidade barak mak mai husi postu rua Atabae no Balibo konsentra ona iha Lagoa Be’e Mala’e hodi kaer ikan tuir kolleta ikan kada tinan ne’ebé sempre akontese.
“Ohin loron tama ba kolleta lansa husi Vise Ministro Administrasaun Estatal kona-ba feira iha lago Bee Malae ohin loron Sua Exelensia mai ita hodi komesa abertura ou loke fali kolleeta atu nune’e komunidade sira hodi kaer ikan.”
Iha okasiaun ne’e mós Agusto husu ba ba parte relevante sira atu haree ba problema nee’ebé sira preokupa hanesan hadi’a kampo Vollibol presiza tau matan ba fatin turismu no instala eletrisida iha Lagoa refere.
“Rekomenda ba parte relevante sira atu tau matan ba turismu iha Lagoa Be’e Mala’e ida nee, husu mós kona-ba fatin desportu tenke hadi’a kampo ida ne’ebé diak iha suku Saniri tamba kada tinan atividade sempre la’o, no mós kona-ba eletrisidade daudaun ne’e sedauk to iha fatin refere.”Nia relata
Enkuantu iha atividade kolleta ikan ne’ebé kada tinan iha Lagoa ne’e tuir jornalista likisapost observa iha terenu katak ikan ne’ebé komunidade sira kaer la’ós han de’it no balun faan hodi hetan osan,iha loron inportante ne’e hetan seguransa masimu husi PNTL,FFDTL,UPM,UPF.
Jornalista : Francisco Xavier
Editór : Ekipa Likisapost.com
