Festa loron Matebian sira nian koñesidu liu ema hotu bolu FINADU nune’e liafuan FINADU dehan mai ita katak hotu ona ka mate ona, to’o ona nia rohan ka to’o limitasaun tanba planu Maromak nian ema moris sei mate maibé ema ida nia a’an labele hatene nia mate no ida ne’e mak Mistériu.
Liafuan Finadu mai husi lian Latino, katak (Finis) signifika fin ka (hotu ona) nune’e adopta lian ne’e ba portugés liu husi verbu Finar ho forma partisipiu pasadu katak Finado, lian Ingles katak All Souls Day.
Dia de Finados 02 de Novembro em homenagem e gratidão dos nossos entes geridos, Familiares e amigos, um minuto de silênçio.
Festa loron matebian 2 de Novembru ne’e katak ita selebra ita nia maun alin sira, Inan Aman, Avon sira ne’ebe mate ona no sira nia klamar sei iha purgatóriu.
Signifika loron matebian katak : Fo ksolok no esperansa espíritu katak loron ida ita sei hamutuk ho ita nia família sira ne’ebe ba uluk mundu seluk. Atu nune’e hamutuk ho Inan Maria no Santu Santa sira bele hahi no hawelok Maromak.
Ohin ita selebra loron ne’e hatudu sentidu kle’an ida ba Matebian sira liu husi lori Ai-funan nu’udar espresaun domin husi ita moris ba Matebian sira hodi kari ba sira nia rate hanesan kultura ida ne’ebe tinan tinan ita sempre selebra
Bom Finadu ba ita hotu ne’ebe selebra loron espesial matebian sira nian ne’e iha ita ida idak nia fatin.
Hakerek na’in Abril Dos Santos
Estudante FCS UNTL
Membru ASEMUL
