Likisapost.com-Dili Loron 13/03/2023, Associção Academica Estudantil UNTL Hala’o Asaun Pasifika Hasoru Estrutura Universidade Nacional Timor Lorosa’e Nune’e Hadi’ak Sistema Atendimentu Ne’ebé Dadaun Ne’e Prejudika Estudante Foun Tinan Akademíka 2023.
Tuir portavoz Julião Ximenes Castelhano liu husi Komunikadu Imprensa hatete asaun pasifíka ne’ebé ne;e realiza hodi blokeia prosesu orientasaun tinan ne’e tanba la preparadu hodi halo atendimentu ba estudante sira.
“Associação Academíca Estudantil UNTL hakarak esklarese no klarifika ba públiku liu liu ba Inan-Aman no estudante foun UNTL tinan Akadémika 2023 ligadu ho asaun pasifika ne’ebé organiza husi Senadu Estudantil sira horseik, loron segunda-feira dia 13 de Março 2023 hodi blokeia orientasaun akdémika temba konsidera estrutura UNTL prinsipalmente Magnifiku Reitór ho nia estrutura la preparadu nune’e realiza orientasaun akadémika UNTL inklui halo diskriminasaun ba estudante foun ano letivo de 2023 tamba estudante balu ne’ebé selu ona bele tuir orientasaun no balu sei kontinua forma hodi halo pagamentu” hatete nia
Liu husi Komunikadu Imprensa ne’ebé likisapost.com asesu, Associção Academica Estudantil UNTL blokeia totalmente Orientasaun Akadémika tamba hakarak estudante sira selu hotu mak tuir orientasaun dala ida hodi nune’e bele iha tratamentu hanesan ba estudante hothotu. Aleinde ida ne’e, Senadu sira hakarak estrutura UNTL tenki buka mekanizmu hodi hadi’a sistema de atendimentu ba estudante liuliu iha pagamentu no administrasaun akadémika nune’e bele rezolve problema estudante sira nian hanesan la bele dudu malu, la bele sena malu no la bele hamrik tan iha loron manas hodi foti dukumentus.
Senadu estudantil hamutuk ho Estudante UNTL prinsipalmente estudante foun sira hakarak deklara ba públiku katak, asaun ne’ebé akontese nu’udar aktu ida hodi kontribui ba mudansa no atu motiva estrutura UNTL hodi bele halo refleksaun hodi buka mekanizmu hodi melloria Servisu atendimentu estudantil nian liu-liu iha Pagamentu no Administrasaun Akadémika no tau atensaun mixima ba preokupasaun no problema estudante sira nian.
Jornalista : Francisco Xavier
Editor : Ekipa Likisapost.com
