likisa post.com-28/11/2022, Mellór Markadóra ba Kompetisaun Futsal Femenina Lidera Husi Estudante Na’in Rua Mai ho Eskola Diferente Maibé ho Golu Ne’ebé Hanesan.
Jogadora Escola Secundaria Geral Publica Irene Pereira Mendes iha entrevista hatete, agradese ba kompetisaun ne’ebé Autoridade realiza.
“Primeiru agradese ba realizasaun jogu futsal feto nian no segundu bele hetan mellór markadóra ho golu 17 . Hakarak hato’o ba feto maluk Timor-Leste tomak liliu munisípiu Liquiçá haforsa ita nian-an atu joga bola hodi lori munisípiu ba oin la’os mane de’it. Hatete jogadora ho numeru faru 9 ne’e, 28/11/2022.
Iha parte seluk Secretario Municipio Liquiçá Antoninho da Silva Pinto iha intevensaun katak, kompetisaun ne’e realiza hodi komemora loron boot tolu mak hanesan, Loron feto, 12 Novembru no 28 Novembru.
Nune’e mós Prezidente CCLN Munisípiu Liquiçá Vicente da Conceição “Railos” hatete, ha’u atu fó apresiasaun, ekipa ne’ebé tuir kompetisaun ba loron boot ida ne’e ha’u fiar. Ha’u mai atu fó apresiasaun ba ita boot sira hodi motiva ita boot sira katak, uluk kedas ita boot sira-nia inan no aman sira halo ona sakrefisiu ba rai ida ne’e mak ohin ita komemora tinan 47 loron idenependénsia unilaterál. Hatete Veteranu refere iha enseramentu kompetisaun Futsal Femenina. (Virginia Vidigal)
Editór: Ghil Soares
