DILI= Likisapost.com,04/09/2025 Cristiano hatete Osan ne’ebé maka Hola kareta prado ba deputado sira ho folin bot diak liu hadia uluk mak infraestrutura estrada sira,ne’e importante para ita hola kareta foun karik nia halai lá bele a’at.
Iha Entervista Jornalista Likisapost.com ho Cristiano da Graça Bosco henesan Estudante Universidade Nasional Timor Lorosa’e UNTL Faculdade Ciência Sociais Departamento Ciência Política iha kampus UNTL Kaikoli Díli, liga ba desizaun Parlamento Nasional ne’ebe Aprova hodi hola kareta foun unidade 65 ba deputado sira nia hatete Osan ne’ebé maka bot diak liu hadia Uluk mak infraestrutura estrada sira ne’e importante para ita hola kareta foun karik nia halai lá bele a’at.
“Se Osan ne’ebé maka bot ita hadia Uluk mak infraestrutura estrada sira ne’e,ne’e importante para ita hola kareta foun karik nia halai lá bele a’at,tamba ho deputadu sira nia razaun ida katak kareta sira sae a’at ona, depois ho kondisaun ida dehan manutensaun ne’e karun,Entaun se momentu ida Sosa nee analiza kalae,se karun hanesan nee nusa mak tenke gastu Osan hodi hola kareta sira ne’e”, Cristiano Explica
Ba ha’u diak Liu mak gastu Osan hodi hadia enfraestrutura sira,hadia Edukasaun,hadia Saúde,hadia setor Turismo sira neebe maka agora dadaun sai nu’udar reseita ba estado sira nee importante,nu’udar Estudante ita hare’e katak Timor Leste hasoru problema estrutural sira tamba ne’e kareta sira ne’ebé ita nia deputado ira agora dadaun to ona faze ida neebe atu sosa ba ha’u hare’e ida ne’e katak lá necessário tamba Timor Leste enfrenta desafios bot,ita gastus osan bot ba Sosa kareta prado ba de’it ema nain 65 mak sai nu’udar proveleza iha ema kiak sira nia leten ida nee la Justus.
Estudante ne’e preokupa bainhira Osan gastus ba hola kareta prado ba deputado nain 65 diak liu gastus ba setores produtores ne’ebé Timor Leste iha.
“se osan gastu ne’e bot ita gere ba setores produtores sira atu bele garante povo nia moris ba iha médiu prazu no longo prazo sei iha,ha’u nia hanoin deputado sira ne’ebé mak agora dadaun atu sosa kareta prado ba ha’u hatete katak ida ne’e sei tetu didiak,para hare’e ba kondições ida ne’ebe mak estado ida nee enfrenta liu liu setor saúde ne’ebé maka aimoruk hotu ema mate,iha setor Edukasaun ne’ebé maka menus professores,menus facilidade sira,enfrraestrutura sira neebe maka sedauk lao diak, ne’ebe ha’u nia hanoin se ita hola uluk kareta prado ho kustu neebe maka bot ne’e ba hau la necessário, nu’udar estudante ida ne’e lá necessário tamba ne’e ita Presiza maka investe mais liu ba setores produtivos sira oinsa atu garante estado ida ne’e ninia diak,garante povo nia moris diak tuir kondisaun ne’ebé maka iha”.
Cristiano relata tuir nia hanesan estudante Sosa kareta prado ba deputado nain 65 ne’e lá justu.
“Ba ha’u kareta prado ne’e lá justu tamba deputado sira manan Osan bot perdian sira ne’e atu ba ida ne’ebe,ida ne’e mak ita tenke hare’e,ne’ebé ba ha’u hare’e katak deputado sira,se nu’udar ema kualidade ida tenke tetu didiak para haree ba kondições estruturado sira ne’ebe maka dadaun ne’e Timor Leste enfrenta ida ne’e importante ba kareta prado hanesan estudante nia haree la importante.
Sorin Seluk liga ba presidente Bancada CNRT Duarte Nunes ne’ebé hato’o iha Parlamento Nasional hodi Kestiona ho Crítico sira ne’ebé hato’o husi estudante no sociedade civil sira hateten se mak kritika ho desizaun PN foti hodi hola kareta prado ho unidade 65 nia mak ba tur fali iha Parlamento hanesan Deputado.
Estudante Cristiano hateten ne’e mak problema bot ida husi kualidade liderança ida tuir los nia lá koalia hanesan ne’eba,se nia ko’alia hanesan ne’eba hatudu momos katak nia laos ona representa povo maibe nia representa luxu para moris lixu ba ninia grupo ba ninian partidu ba ninia família nia laos ona atu representa povo.
“Ha’u nia hanoin mak ne’e se deputado ida ko’alia hanesan ne’e agora ema barak mak desempregado hela,maibé ema desempregado sira iha ona honestidade kompetensia atu servi duni raí ida ne’e,ha’u mós desafia nia katak sai ema Seluk sei troka nia maibé ema Seluk ne’ebé ba troka nia,ema ne’ebe mak iha kualidade atu servi rai ida ne’e ho onestu,se deputado ida ne’ebe mak iha Fuan fraku ba Kritik sira diak liu retira de’it husi posisaun”.Bosco informa
Tamba ita koalia representa povo tenke ko’alia kona ba povo ninia moris,ita tenke hadia povo ninia moris,ita tenke kondenoliza povu ninia moris ida ne’e mak importante garante povo ninia moris,ida ne’e mak importante garante katak estabilidade ne’e lao,lori povo ba moris iha saudável ida ne’e maka diak,agora ema hili ona nu’udar deputado representa povo ba koalia fali prado tenke sae nee lalogika la rasio ne’e lori estado ida nee ba risku,lori povo ba margilizasaun tuir los nee la diak tamba ne’e hakarak hatete katak se hanesan deputado nee laos previlezu ba deputadu ninia a’an,ba nu’udar deputado koalia assunto público ninian,ko’alia assunto povo ninian ida ne’e mak importante.
Parte Seluk liga ba Presidente da República José Manuel Ramos Horta iha entrevista ho jornalista sira hateten desizaun PN Sosa kareta prado ida ne’e lá sai ketaun tamba wainhira deputado sira nia mandato hotu deputado sira ne’ebé sei mai fali hodi uza nafatin kareta ne’ebé iha ona,estudante Cristiano iha UNTL ne’e informa tuir nia nu’udar presidente da República tenke tetu didiak wainhira promulga desizaun hirak ne’e, presidente tenke hare’e ba kondisaun estado ida nee nian problema estado ninian tamba kareta prado ne’ebé maka nia konkorda ne’e lá justu.
“Presidente nu’udar Premiado Novel da Paz nia tenke hare’e katak Kondisaun Timor Leste ne’e atu ba ida ne’ebe maka ne’e presidente tenke ho fuan tetu ho fuan no deside ho fuan para bele hatur buat hotu hotu ho justu,se presidente maka konkorda ho deputado sira halo significa katak presidente liha kualidade, ne’e laos ona presidente representa povo,maibe presidente sente preveleziu ida para atu lori povu ba iha margilizasaun ne’e ladun diak,situasaun iha Timor Leste nee situasaun inestruturado,ita tenke konsidera saúde hasoru problema nusa mak presidente la promulga de’it lei balun ko’alia kona ba saúde ema mate,agora ema ida mate ne’e mak fo ninia votu mak ita sai hanesan Presidente,agora ita husik sira mate bebeik ita atu halo saida,sira mate laos destinu maibe tan de’it aimoruk iha hospital la iha nusa lá hare’e ba asuntu hirak ne’e”.Estudante ne’e explika
Presidente mós tenke tetu didiak hare’e ba setores sira ne’ebé mak ita bele dehan katak lori estado ida nee ba diak,se presidente ne’e mai ho fuan ha’u fiak katak,saida mak deputado sira halo presidente sei konsidera inkonstituisional nia se veto karik presidente mai ho fuan, ne’ebe hakarak hatete katak presidente tenke tetu haree ba orçamentu isa neebe maka bot teb-tebes ba de’it ema nain 65 ho ninia aliado sira hau sente katak ne’e ladun diak.
Sorin Seluk Estudante Cristiano ne’e afirma liga mós ba presidente República José Manuel Ramos Horta nia viagem hanesan estudante nia hare’e durante presidente ninia viagem ba rai liur nia resultado sedauk iha,Entaun ita bele dehan saida,saída mak ita ba iha raí liur ba hare’e de’it iha ema nian maibe resultado la mai implementa iha rai laran,significa saída, orçamentu ne’ebé sira gastus para viagem ba rai liur ne’e ita konsidra nu’udar aktu ida neebe maka atu lori estadu ida ne’e ba iha krize financeiro,ita hatene katak ita nia osan iha banku mundial fo sai katak ita nia osan nee menus ba bebeik,no ita nia Primeiro Ministro mós fo sai katak ita nia Osan sei hotu iha kurtu prazu.
Hanesan estudante sugere ba presidente da República nu’udar xefe de estado se viagem iha ona resultado tamba saída mak lá implementa,no lori investor sira mai para hodi investe iha setores sira ne’ebé maka Timor Leste Presiza para oinsa atu loke kampu trabalho ba joven sira para joven sira lá bele Kria problema iha estado independensia ida ne’e*,Nia hakotu.
Jornalista : Francisco Xavier
Editor : Redasaun Likisapost
