(Likisapost.com) Segunda-Feira,26/05/2025,Liquiça=Relasiona ho Konferensia Imprensa ne’ebe joven sira husi Aldeia Mota Ikun Suku Mota-Ulun Postu Bazartete Munisipiu Liquiça hala’o iha tasi ibun kaitehu iha loron 17 Fulan Maiu Tinan 2025 ne’e,portavoz Nazario Varela hateten Presidente Autoridade Munisipiu Liquiça Paulino Ribeiro komete iregularidade hodi pratika Korupsaun,Nepotismo,Koluzaun no familiarismu iha nia mandatu hanesan Presidente Autoridade iha Munisipiu Liquiça.
Hafoin Remata iha Konferensia Impresa iha Loron 17 fulan maiu tinan 2025 iha fatin kaitehu jornalista Media Likisa post,Radio Komunidade Tokodede ho Jornalista RTTL.EP destakado Munisipiu Liquiça kontinua ba iha residensia PAM nian iha Bogoro suku Mota-ulun to’o iha ne’eba oras tuku 4:47, lokraik atu entervista relasiona ho Konferensia impresa husi joven sira iha Aldeia mota ikun maibe Presidente Autoridade rejeita lakoi fo komentario nia hateten depois komemora loron 20 de maiu Restaurasaun Independensia Timor-Leste ba dala-23 liu mak nia sei halo komentario.
“Ha’u hare’e lai sira nia komunikadu imprensa ne’e lai depois ita selebra loron 20 de maiu Restaurasaun Independensia Timor-Leste ba dala-23 liu mak imi mai entervista ha’u iha Administrasaun Munisipiu”.Dehan Presidente Autoridade iha nia Residensia Bogoro iha Loron 17/05/2025,sabado ne’e.
Iha Loron 26 fulan maiu tinan 2025 Segunda- feira ne’e Jornalista Media Likisa Post,Radio Komunidade Tokode ho RTTL,EP tenta halo konfirmasaun ho Gabinete PAM iha oras Tuku 9:35 dadersan iha Administrasaun Munisipiu Liquiça hodi konfirma Presidente nia tempu atu nune’e jornalista hodi hala’o entervista relasiona ho Konferensia Imprensa refere maibe presidente Autoridade Munisipiu Liquiça la iha tempu*.
Jornalista : Francisco Xavier/Angelita I.da Silva
Editor : Redasaun Likisa Post
