Likisapost.com-Loron 07/07/2023, Profesór Kontratadu 30 Ne’ebé Liu Iha Selesaun Diresaun Servisu Munisipál Munisípiu Liquiçá Seidauk Iha Informasaun Husi Ministeriu.
Diretór Edukasaun Munisípiu Liquiçá Carlos Lopes hatete, relasiona ho professor kontratadu 30 ne’ebé seidauk asina kontratu, Diresaun Edukasaun Munisípiu Liquiçá hanesan enkamiña de’it dadus no hein informasaun husi Ministériu.
“Edukasaun sai hanesan Ponte ida atu enkamiña de’it dadus ba iha Ministériu Edukasaun no ba to’o iha funsaun publika Mak iha kompeténsia hodi haree ba asuntu hirak ne’e ba Segunda faze Itá manda ona 148 professores ba Ministériu Edukasaun no selesaun ba iha 30 pessoas ne’e maibé to’o agora sedauk hetan informasaun mai husi Ministeriu Edukasaun“Dehan nia hafoin entrevista ho média Likisapost.com iha nia knaar fatin, Sexta,07/07/23.
Rekorda katak, totál Profesorés ne’ebé kontratadu husi ensinu Pré Eskolár, Ensinu Báziku no Ensinu Sekundáriu ho Ensinu Sekundáriu Tékniku Vokasionál iha totál 239 Profesorés, entre kontratadu 239 ne’e asina kontratu hamutuk 66 iha primeira faze, depois enkamiña tan 148 ba segunda faze 30 mak liu selesaun maibé Diresaun Edukasaun Munisípu Liquiçá informa katak Profesorés kontratu 30 ne’ebé liu iha selesaun segunda faze sei iha verifikasaun husi IX governu.(Rafa)
Jornalista : Francisco Xavier
Editor : Ekipa Likisapost.com
